جی سی یونیورسٹی فیصل آباد کے وائس چانسلر پروفیسر ڈاکٹر ذاکر حسین نے کہا ہے کہ محدود وسائل کے ساتھ وسطی پنجاب کے ہزاروں طلباءکو بہترین سہولیات اور کوالٹی ایجوکیشن فراہم کرنے کے لئے کوشاں ہیں ان خیالات کا اظہار اُنہوں نے گذشتہ روز تمام شعبہ جات کے سربراہان کے ساتھ کالجز کے الحاق اور سلیبس کے سلسلہ میں منعقدہ میٹنگ سے خطاب کرتے ہوئے کیا۔ وائس چانسلرنے کہا کہ تمام اساتذہ و طلباء باقاعدگی کے ساتھ کلاسز لیں اور تمام اساتذہ اپنے مضامین کی مکمل کورس فائلز تیار کریں۔اس موقع پر خطاب کرتے ہوئے ڈائریکٹر ایڈمنسٹریشن چوہدری محمد مشتاق نے کہا کہ یونیورسٹی کے ساتھ 35کالجز کا الحاق ہو گیا ہے اور اب پنجاب کے طول و ارض کے پرائیویٹ کالجز کا الحاق شروع کیا جائے گا جس کے لئے درخواستیں موصول ہونا شروع ہو گئی ہیں اس موقع پر رجسٹرار شیخ محمد اکرم، پرنسپل ڈگری کالج عتیق الرحمان خاں ،ڈاکٹر شہباز عارف و دیگر بھی موجود تھے۔
[singlepic id=728 w=320 h=240 float=center]